आईनेच केली राष्ट्रपतींकडे मुलाच्या इच्छामरणाची मागणी

khedtimes.today |
कानपूर :  एखादी आई आपल्या मुलाच्या आयुष्यासाठी एकवेळ आपले प्राण द्यायलादेखील मागे पुढे पाहत नाही…परंतु, कानपूरच्या एका हतबल मातेने आपल्याच पोटाच्या मुलाच्या इच्छामरणाची राष्ट्रपतीकडे मागणी केली आहे.
कॅन्सरशी झुंजणार्‍या मुलाचा त्रास बघवत नसल्याने एका आईने या आजारातून मुक्तता करून देण्यासाठी काळजावर दगड ठेवून अखेर इच्छामरण देण्याची राष्ट्रपतीकडे मागणी केली आहे. कानपूरमध्ये राहणार्‍या १० वर्षाच्या मुलाचा कॅन्सरच्या विरोधात लढा सुरू आहे. घरची परिस्थिती बिकट असल्याने उपचारांचा खर्च परवडत नसल्याने अखेर या आईने हार मानली आहे. कॅन्सरच्या उपचारादरम्यानचा त्रास आणि आर्थिक चणचण असल्याने माझ्या मुलाला मुक्त करण्यासाठी इच्छामरणाचा पर्याय द्यावा अशी मागणी या आईने राष्ट्रपती रामनाथ कोविंद यांच्याकडे एका पत्राद्वारा केली आहे.
भारतामध्ये इच्छामरण हे बेकायदेशीर आहे. अगदीच दुर्मिळ प्रकरणांमध्ये इच्छा मरणाला परवानगी दिली जाते.

Rate this item
(0 votes)
Last modified on Friday, 15 September 2017 14:59